ТerDUda bahor nafasi

Kecha Termiz davlat universitetida milliy bahoriy taom sumalak pishirildi. Tabiatning uyg‘onishi bilan bahor bayrami sifatida qo‘ni-qo‘shni mahalla ahlini birdamlik va hamjihatlikka chorlagan sumalak sayli universitet mas’ullari va talabalarni ham bir joyga jamladi.

Fayzli dasturxon atrofida samimiy suhbatlar qurildi, toshqozon oldida qadimiy an’ana va qadriyatlarimiz tilga olindi. Go‘yoki lapar va o‘lanlarimiz yangidan bo‘y ko‘rsatgandek bo‘ldi.