“Maʼnaviyat sektori”

Termiz davlat universiteti rektori Abduqodir Toshqulov “Maʼnaviyat sektori” Konsepsiyaning uchinchi yoʻnalishi doirasida Boysun tumanidagi 2-sonli kasb-hunar maktabiga bordi.

Dastlab rektor maktabda faoliyat koʻrsatayotgan tikuvchilik sexi faoliyati, avtomobillarga texnik xizmat koʻrsatish oʻquv amaliyoti jarayoni, kompyuter va maʼnaviyat sektori xonalari bilan tanishdi. Tikuv sexida 35 nafar qizlar turli tashkilot va xizmat koʻrsatuvchi korxonalar uchun sifatli va qulay narxda dasturxon va choyshablar tikib, yetkazib berayotgan boʻlsa, pop usulida kashtachilik sir-asrorlarini oʻrganayotgan qizlar oʻz hunari ortidan daromad topshiga ham ulgurishmoqda.

Rektor maktab oʻqituvchilari va xodimlar bilan suhbat qilib, ularning fikr va takliflarini tingladi. “Maʼnaviyat sektori” Konsepsiyaning yoʻnalishlari, maqsad va vazifalari xususida maʼlumot berdi.

Universitet tomonidan mazkur kasb-hunar maktabining raqamli axborotlarni qayta ishlash yoʻnalishida tahsil olayotgan oʻquvchilari uchun 20 dan ortiq kompyuter jamlanmasi, proyektor hamda elektron doskalar sovgʻa qilindi.

Endilikda yoshlar nazariy bilimlarini amaliyotda ham qoʻllash orqali o'rganganlarini mustahkamlash imkoniyatiga ega boʻlishadi.