Universitetda ishchi va professorlar oilasini qo‘llab-quvvatlash

Termiz davlat universiteti o‘z xodimlari, ayniqsa ayollar va yosh oilalarning ijtimoiy himoyasini ta’minlash, ularning mehnat faoliyatini oilaviy majburiyatlar bilan muvofiqlashtirishga ko‘maklashish maqsadida bir qator ijtimoiy infratuzilmalar va qo‘llab-quvvatlash dasturlarini amalga oshirib kelmoqda. Bu siyosat O‘zbekiston Respublikasi Mehnat kodeksi, “Ayollar va erkaklar uchun teng huquq hamda imkoniyatlar kafolatlari to‘g‘risida”gi Qonun (2019-yil 2-sentabr) va Prezidentning “Ayollarni qo‘llab-quvvatlash hamda ularning ijtimoiy faolligini oshirishga oid chora-tadbirlar to‘g‘risida”gi qarorlariga asoslanadi.

Universitet tarkibida xodimlar va professor-o‘qituvchilar farzandlari uchun mo‘ljallangan davlat-xususiy hamkorlik asosidagi bolalar bog‘chasi faoliyat yuritadi. Mazkur bog‘cha Termiz shahridagi universitetning ijtimoiy obyektlari majmuasida joylashgan.

Bolalar bog‘chasida 3 yoshdan 7 yoshgacha bo‘lgan bolalar uchun tarbiyaviy guruhlar mavjud. Tarbiyachilar oliy ma’lumotli, tajribali pedagoglardir.

Bog‘cha O‘zbekiston Respublikasi Maktabgacha va maktab ta’limi vazirligi talablariga muvofiq faoliyat yuritadi.

Universitet rahbariyati tomonidan bolalar bog‘chasiga qatnovchi xodimlarning farzandlari uchun imtiyozli to‘lov tizimi joriy etilgan.

Homilador yoki bola parvarishlayotgan ayol xodimlar uchun ish joyi saqlanadi hamda ular bola 3 yoshga to‘lguncha parvarish ta’tiliga chiqish huquqiga ega.

Universitet Surxondaryo viloyati Maktabgacha ta’lim boshqarmasi bilan hamkorlikda xodimlar farzandlarini qamrab olish darajasini oshirish, ta’lim-tarbiya sifatini yaxshilash bo‘yicha hamkorlik dasturini amalga oshirmoqda.

Termiz davlat universiteti o‘z xodimlari va professor-o‘qituvchilari uchun bolalar parvarishiga oid qulay sharoitlarni yaratgan. Bolalar bog‘chasi faoliyati, imtiyozli to‘lov tizimi, moslashuvchan ish sharoitlari hamda bola parvarishiga oid huquqiy kafolatlar universitetda gender tengligini ta’minlash va ijtimoiy himoyani mustahkamlash siyosatining muhim tarkibiy qismidir.

Termiz davlat universiteti professor-o‘qituvchilar va xodimlar farzandlari uchun bolalar bog‘chasi sharoitlarini yaratgan. Universitet kampusida 2024 yilda 70 o‘rinli bolalar bog‘chasi qurilishi boshlangan bo‘lib, uning 2026 yilda ishga tushirilishi rejalashtirilgan. Bog‘cha quyidagi imkoniyatlar bilan jihozlangan:

Tajribali tarbiyachilar;

Sanitariya-gigiyena qoidalariga mos yotoq xonalari;

Kuniga uch mahal issiq ovqat;

Ertalabki jismoniy tarbiya mashg‘ulotlari;

Bolalar uchun ingliz, rus, fors, karis va yapon tillarida yozish-o‘qish, rasm chizish hamda qo‘shiq aytish darslari.

Shuningdek, professor-o‘qituvchilar va xodimlar ish vaqti tugamagan paytlarda ham bolalarni kutish xonalari mavjud.