Darband o‘quv amaliyot bazasi

Termiz davlat universitetida suvni tejash va barqaror landshaftlarni rivojlantirish

Termiz davlat universitetida suv resurslaridan oqilona foydalanish, atrof-muhitni muhofaza qilish va yashil hududlarni barqaror rivojlantirish maqsadida suv sarfini kamaytirishga qaratilgan ekologik yondashuvlar amalga oshirilmoqda. Jumladan, universitet landshaft dizayni va ko‘kalamzorlashtirish jarayonlarida qurg‘oqchilikka chidamli o‘simlik turlarini ekish va parvarishlash amaliyoti yo‘lga qo‘yilgan. Bu usul orqali nafaqat suv sarfi sezilarli darajada kamayadi, balki o‘simliklarning tabiiy moslashuvchanligi tufayli parvarish xarajatlari ham qisqaradi. Shuningdek, universitet hududida yashil maydonlarni rejalashtirishda joyning iqlim sharoiti, tuproq xususiyatlari va suv resurslari hisobga olinadi. Bu yondashuv ekologik barqarorlik va estetik uyg‘unlikni ta’minlaydi.

Mazkur tajriba Darband o‘quv-amaliyot bazasida ham keng qo‘llanilmoqda. Bu yerda turli xil o‘simliklar, jumladan, mahalliy iqlim sharoitiga mos va suvni kam talab qiluvchi dekorativ, manzarali hamda dorivor o‘simliklar ekilmoqda. Ushbu faoliyat talabalarga amaliy bilim berish bilan birga, ekologik mas’uliyatni shakllantirishga ham xizmat qiladi.

Termiz davlat universitetining suvni tejovchi landshaft amaliyoti “yashil kampus” konsepsiyasining muhim tarkibiy qismi bo‘lib, ekologik barqarorlik, resurslardan oqilona foydalanish va atrof-muhitni asrash yo‘lida amalga oshirilayotgan tizimli ishlarning yorqin ifodasidir.